Ռուսաստանը եւ Սիեռա Լեոնեն հայտարարություն են ստորագրել տիեզերքում զենք չտեղաբաշխելու շուրջ

Ռուսաստանը եւ Սիեռա Լեոնեն հայտարարություն են ստորագրել տիեզերքում զենք չտեղաբաշխելու շուրջ

Ռուսաստանը եւ Սիեռա Լեոնեն համատեղ հայտարարություն են ստորագրել տիեզերքում առաջինը զենք չտեղաբաշխելու շուրջ: Այդ մասին լրագրողներին հայտնել Է ՄԱԿ-ին առընթեր ՌԴ մշտական ներկայացուցչության մամուլի քարտուղար Ֆյոդոր Ստրժիժովսկին:

«Ռուսաստանը եւ Սիեռա Լեոնեն համատեղ հայտարարություն են ստորագրել տիեզերքում առաջինը զենք չտեղաբաշխելու շուրջ: Արարողությունը տեղի Է ունեցել Նյու Յորքում ՄԱԿ-ին առընթեր ՌԴ մշտական ներկայացուցչությունում»,-ասել Է Ստրժիժովսկին: Նրա խոսքով՝ հերթական կարեւոր քայլն Է արվել արդիականության առավել վտանգավոր սպառնալիքներից մեկի՝ տիեզերքում սպառազինությունների մրցավազքը կանխելու ճանապարհին:

«Համոզված ենք, որ այն ըստ արժանվույն կգնահատվի միջազգային հասարակայնության կողմից»,-նշել Է Ստրժիժովսկին: Նա նշել Է, որ տիեզերքում առաջինը զենք չտեղաբաշխելու շուրջ համատեղ հայտարարություններն այսօրվա դրությամբ այդ բնագավառում թափանցիկության եւ վստահության միակ միջոցն են: «Այն նպաստում Է բոլորի համար հավասար եւ ամբողջական անվտանգության ապահովմանը, ինչպես նաեւ խաղաղ նպատակներով տիեզերական տարածության հետազոտման եւ օգտագործման ուղղությամբ պետությունների գործունեության կանխատեսելիության եւ կայունության բարձրացմանը»,-հավելել Է նա, հաղորդել Է ՌԻԱ Նովոստին:

 

Հետևեք մեզ նաև Տելեգրամում