Ֆրանսիան ողջունում է պահվող անձանց ազատ արձակելու և հարաբերությունները կարգավորելու ՀՀ-ի ու Ադրբեջանի հայտարարությունը
![Ֆրանսիան ողջունում է պահվող անձանց ազատ արձակելու և հարաբերությունները կարգավորելու ՀՀ-ի ու Ադրբեջանի հայտարարությունը](https://freenews.am/uploads/images/image_750x_6573640e28495.jpg)
Ֆրանսիայի ԱԳՆ-ն հաղորդագրություն է տարածել՝ ողջունելով պահվող անձանց ազատ արձակելու ու հարաբերությունները կարգավորելու՝ Հայաստանի և Ադրբեջանի հայտարարությունը:
Այս մասին գրում է «Լուրեր»-ը:
Ֆրանսիական կողմը հուսով է, որ սա առաջին քայլն է պահվող և, կալանավորված անձանց, անհետ կորածների ճակատագրի բացահայտման հարցերում։
«Ֆրանսիան աջակցում է Հայաստանի և Ադրբեջանի միջև խաղաղության համաձայնագրի շուրջ բանակցությունների արագ վերսկսմանը` Եվրամիության և ԱՄՆ-ի աջակցությամբ: Կայուն խաղաղությունը հնարավոր է, եթե հարգվեն միջազգային իրավունքը, երկու երկրի ինքնիշխանությունը, տարածքային ամբողջականությունը և սահմանների անձեռնմխելիությունը»,- նշել է Ֆրանսիայի ԱԳՆ-ն։
Նշվում է նաև, որ Ֆրանսիան լրացուցիչ 15 միլիոն եվրոյի մարդասիրական հրատապ օգնություն կհատկացնի Հայաստանին և Լեռնային Ղարաբաղից բռնի տեղահանվածներին։ Այսպիսով՝ 2023 թվականի համար Հայաստանին տրամադրվող աջակցությունը կկազմի 27,5 միլիոն եվրո:
Հիշեցնենք, որ ՀՀ վարչապետի աշխատակազմի և Ադրբեջանի նախագահի վարչակազմի համատեղ հայտարարությունը հրապարակվել էր երեկ երեկոյան:
Կարծիքներ