«Բարսելոնայի» կիսապաշտպանը տեղափոխվեց «Խետաֆե»
Իսպանիայի փոխչեմպիոն «Բարսելոնայի» կիսապաշտպան Կառլես Ալենյան կես տարվա վարձակալությամբ տեղափոխվեց «Խետաֆե», հաղորդում է կատալոնական ակումբի մամուլի ծառայությունը։
23-ամյա իսպանացի ֆուտբոլիստը ընթացիկ մրցաշրջանում մասնակցել է հինգ հանդիպման, մեկնարկային կազմում եղել է մեկ անգամ։
Ավելի վաղ «Բարսելոնայի» հոլանդացի գլխավոր մարզիչ Ռոնալդ Կումանը հայտարարել էր, որ մեկնարկային կազմում չընդգրկվող երիտասարդ ֆուտբոլիստներին խորհուրդ է տվել վարձակալությամբ խաղալ այլ թիմերում եւ ունենալ մշտական պրակտիկա։
Կառլես Ալենյայի տրանսֆերային արժեքը գնահատվում է 15 միլիոն եվրո։
Կարծիքներ