Վանաձորի փրփրապլաստի արտադրամասում բռնկված հրդեհը մեկուսացվել է
![Վանաձորի փրփրապլաստի արտադրամասում բռնկված հրդեհը մեկուսացվել է](https://freenews.am/uploads/images/image_750x_6415b9f882272.jpg)
Հայաստանի ներքին գործերի նախարարության փրկարար ծառայությունը հայտնում է, որ մարտի 18-ին, ժամը 15։46-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Աղայան փողոցում գտնվող փրփրապլաստի արտադրամասում հրդեհ է բռնկվել։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հայտարարվել է հրդեհի բարդության «Թիվ 2» աստիճան։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբն ու հրշեջ-փրկարարական ջոկատից ևս երկու մարտական հաշվարկ։
Հրդեհը մեկուսացվել է ժամը 16։20-ին։
Կարծիքներ