ՄԱԳԱՏԷ-ում հայտարարել են, որ Հյուսիսային Կորեան ուրան է հարստացնում Յոնբենում

ՄԱԳԱՏԷ-ում հայտարարել են, որ Հյուսիսային Կորեան ուրան է հարստացնում Յոնբենում

Տեղեկություններ կան ԿԺԴՀ-ի Յոնբենի օբյեկտում հարստացված ուրանի արտադրության վերաբերյալ: Այդ մասին սեպտեմբերի 14-ին հայտարարել է ՄԱԳԱՏԷ-ի գլխավոր տնօրեն Ռաֆայել Գրոսին:

Նա նշել է, որ ԿԺԴՀ-ի միջուկային գործունեությունը շարունակում է լուրջ մտահոգություն առաջացնել, երկրի միջուկային ծրագիրը խախտում է ՄԱԿ-ի ԱԽ-ի համապատասխան բանաձևերը:

Գրոսին ԿԺԴՀ-ին վերստին ՄԱԳԱՏԷ-ի հետ համագործակցության կոչ է արել բոլոր հարցերը լուծելու համար, «հատկապես նրանք, որոնք առաջացել են երկրում գործակալության տեսուչների բացակայության ժամանակ»:

Հյուսիսային Կորեան, ամփոփելով 2018 թվականի սեպտեմբերին Փհենյանի միջկորեական երրորդ գագաթնաժողովի արդյունքները, խոստացել էր փակել իր հրթիռային զինափորձարանը Տոնչհանիում և ամբողջովին ապամոնտաժել Յոնբենի միջուկային օբյեկտները:

ՄԱԳԱՏԷ-ն հետագայում հայտարարել է, որ գործունեությունը Յոնբենի միջուկային կենտրոնում շարունակվում է, բայց գործակալությունը չի կարող հաստատել դրա բնույթը և նպատակը՝ առանց միջուկային օբյեկտի նկատմամբ մուտքի թույլտվություն ունենալու:

Իր հերթին ԿԺԴՀ-ի գծով ԱՄՆ-ի հատուկ ներկայացուցիչ Սթիվեն Բիգանը 2019 թվականի մարտին հայտարարել է, որ Վաշինգտոնը եւ Փհենյանը պայմանավորվածությունների չեն հասել Յոնբենի միջուկային համալիրը փակելու շուրջ, և այդ թեմայով բանավեճերը կշարունակվեն:

Հետևեք մեզ նաև Տելեգրամում