Մակրոնը հետաձգել է այցն Ուկրաինա

Մակրոնը հետաձգել է այցն Ուկրաինա

Ֆրանսիայի նախագահ Էմանուել Մակրոնն անվտանգության նկատառումներից ելնելով հետաձգել է իր այցը Ուկրաինա, հայտնում է Challenges-ը:

Ավելի վաղ Մակրոնն ասել էր, որ Ֆրանսիան առաջիկա շաբաթներին կավարտի աշխատանքը Ուկրաինայի անվտանգության երաշխիքների վերաբերյալ երկկողմ համաձայնագրի վրա, և խոստացել էր դրա ստորագրման մասին հայտարարել փետրվարին Ուկրաինա իր այցի ժամանակ։

«Մակրոնի առաջին երկկողմ այցը, որը նախատեսված էր փետրվարի 13-14-ը, հետաձգվել է»,- ասվում է հրապարակման մեջ։

Նշվում է, որ Ֆրանսիայի ձեռներեցների միության (Medef) ներկայացուցիչները նույնպես չեղարկել են իրենց ծրագրած ուղեւորությունը Կիև։

Հրատարակության համաձայն, Մակրոնի այցը հետաձգվել է նրա անվտանգությունն ապահովելու համար։

Բացի այդ, Ֆրանսիայի նախագահը ցանկանում է Ուկրաինա մեկնելու նախօրեին ակտիվացնել իր աջակցությունը Փարիզի և եվրոպացի գործընկերների օգնության նոր փաթեթի միջոցով։

Մակրոնի՝ Ուկրաինա այցի նոր ժամկետ չի որոշվել: