Թուրքիայի Մուղլա նահանգում անտառային հրդեհների պատճառով գյուղ է տարհանվել
Թուրքիայի Մուղլա նահանգի Միլաս շրջանում դեռևս անհայտ հանգամանքներում անտառային հրդեհներ են բռնկվել։ Դեպքի վայր են ժամանել հրշեջ-փրկարարական ջոկատներ, 6 ինքնաթիռ և 8 ուղղաթիռ։
Ermenihaber-ի հաղորդմամբ, հրդեհաշիջման աշխատանքները ընթանում են գիշեր-ցերեկ թե՛ ցամաքային, և թե՛ օդային ճանապարհով։
Կրակը նաև տարածվել է Չաքըրալան գյուղի վրա, գերեզմանատան վրա ու ստիպված են եղել տարհանել 350 բնակիչ ունեցող գյուղը։ Կրակի տակ է առնվել 30 հեկտարից ավելի տարածք։
Կա վարկած, որ հրդեհը բռնկվել է էլեկտրական լարերի կայծից։ Նշվում է, որ մեծ ջանքեր են գործադրվում հրդեհը վերահսկողության տակ առնելու համար։
Կարծիքներ