Հրաչյա Սարգսյանը հյուրընկալել է IBM ընկերության փոխնախագահ, GIT դափնեկիր, դոկտոր Լեոն Ստոկին
Երևանի քաղաքապետ Հրաչյա Սարգսյանն այսօր հյուրընկալել է «STARMUS» գիտության և արվեստի միջազգային 6-րդ փառատոնին մասնակցելու նպատակով Հայաստան այցելած Էլեկտրոնային նախագծման ավտոմատացման ոլորտում համաշխարհային առաջատար՝ IBM ընկերության փոխնախագահ, GIT Դափնեկիր, դոկտոր Լեոն Ստոկին:
Այս մասին քաաղքապետը գրել է ֆեյսբուքյան իր էջում:
Հանդիպման շրջանակում քննարկել են քաղաքային տնտեսության տարբեր ոլորտներում նոր տեխնոլոգիաների կիրառման, կառավարման ավտոմատացված համակարգերի ներդրման, «Խելացի քաղաք» հայեցակարգի մշակման հետ կապված հարցեր:
«Համայնքի նպատակն է՝ արդի տեխնոլոգիական լուծումների միջոցով աջակցել քաղաքի առջև ծառացած մարտահրավերների լուծմանը, քաղաքացիների կյանքի որակի բարելավմանն ու քաղաքապետարան-բնակիչ երկխոսության արդյունավետության բարձրացմանը»,-գրել է Հրաչյա Սարգսյանը:
Կարծիքներ