Ռուսաստանի ևս երկու շրջաններ ջրհեղեղի վտանգի առաջ են

ՌԴ նախագահ Վլադիմիր Պուտինը հեռախոսազրույց է ունեցել Կուրգանի և Տյումենի շրջանների նահանգապետեր Վադիմ Շումկովի և Ալեքսանդր Մուրի հետ։

Ռուսական պետության ղեկավարը նրանց հանձնարարել է մարզերը նախապատրաստել  հնարավոր հեղեղումների, ասել է նախագահի մամուլի քարտուղար Դմիտրի Պեսկովը։

Մամուլի քարտուղարի խոսքով՝ Կուրգանի և Տյումենի շրջաններում ջրհեղեղի անխուսափելիությունը նշվել է՝ կապված հիդրոտեխնիկական կառույցներում ջրի արտահոսքի հարկադիր աճի հետ, որը պայմանավորված է վերջին 100 տարվա ընթացքում ջրի մակարդակի աննորմալ բարձրացմամբ:

Պուտինը նահանգապետերի հետ զրույցում նշել է մարդկանց օգնելու և նրանց հնարավոր տարհանման համար վաղաժամ միջոցներ ձեռնարկելու անհրաժեշտությունը, հայտնում է Դմիտրի Պեսկովը։

Ավելի վաղ Կուրգանի շրջանի նահանգապետը հայտնել էր, որ ջրհեղեղը կարող է հեղեղել Կուրգանի շրջանի մի քանի գյուղեր ու թաղամասեր։