Հունաստանը 2023 թվականին պետբյուջեում 5,65 մլրդ եվրո կհատկացնի պաշտպանության համար

Հունաստանը 2023 թվականին պաշտպանության համար հատկացնում է 5,65 միլիարդ եվրո՝ 740 միլիոն եվրոյով պակաս, քան այս տարի։ Այս մասին շաբաթ օրը հայտարարել է ազգային պաշտպանության նախարար Նիկոս Պանայոտոպուլոսը՝ խորհրդարանում հաջորդ տարվա պետական ​​բյուջեի քննարկման ժամանակ։

Նրա խոսքով, Հունաստանի կառավարությունը, գիտակցելով աշխարհաքաղաքական զարգացումները և տարածաշրջանում ի հայտ եկած անկայունության պատճառով պաշտպանական ծախսերի կարևորությունը, սկսել է նախարարության բյուջեն ավելացնել 2020 թվականի 3,35 միլիարդ եվրոյից մինչև 2021 թվականին՝ 5,44 միլիարդ եվրո: 2022 թվականին մինչև 6,39 միլիարդ եվրո՝ հիմնականում Ֆրանսիայից Belharra երեք ֆրեգատների, ինչպես նաև 24 Rafale կործանիչների գնման պայմանագրերի վաղաժամկետ վճարման պատճառով, որոնք Հունաստանը սկսեց ստանալ պայմանագրի ստորագրումից մեկ տարի անց: «Պաշտպանության համար 2023 թվականի պետբյուջեում հատկացվել է 5,65 միլիարդ եվրո»,- ասել է Պանայոտոպուլոսը, որը մեջբերում է Protothema թերթը ։