Շարունակվող բքի հետևանքով հնարավոր չէ իրականացնել ճանապարհների մաքրման աշխատանքներ. Շիրակի մարզպետարան
Սաստիկ բքի և վատ տեսանելիության հետևանքով փակ են Շիրակի մարզի Թորոսգյուղ-Բավրա, Ամասիա-Շաղիկ, Հառիճ-Մեծ Մանթաշ, Սպանդարյան-Գեղանիստ տանող ճանապարհները(միջպետական, հանրապետական, մարզային)։
Այս մասին հայտնում են Շիրակի մարզպետարանի ֆեյսբուքյան էջում՝ հավելելով, որ տեսանելիությունը 0-1 մետր է։
Շարունակվող բքի հետևանքով հնարավոր չէ իրականացնել ճանապարհնեի մաքրման աշխատանքներ։
Դժվարանցանելի են Գյումրի-Ջաջուռ հատվածի Ջաջուռի ոլորանները։
Գյումրի-Լանջիկ, Գյումրի- Անի Պեմզա ճանապարհահատվածները բավարար երթևեկելի են։ Ճանապարհները սպասարկող ընկերություններն աշխատում են արտակարգ ռեժիմով։
Վարորդներին խորհուրդ է տրվում երթևեկել միայն խիստ անհրաժեշտության դեպքում։
Կարծիքներ