Մի շարք հետախուզվողներ են հայտնաբերվել

Ոստիկանության ՔՈԳՎ և Իջևանի բաժնի ծառայողների համատեղ ձեռնարկած միջոցառումների արդյունքում փետրվարի 15-ին Իջևանի բաժին բերման է ենթարկվել 45-ամյա Գևորգ Վ.-ն, որը 2021 թ. նոյեմբերի 25-ից ՌԴ Ռոստովի մարզի իրավապահների կողմից հետախուզվում էր ՌԴ քրեական օրենսգրքի 119.1-րդ հոդվածի մեղադրանքով:
Առանց խափանման միջոցի:
Հայտնաբերման մասին տեղյակ է պահվել հետախուզումը նախաձեռնողին:

Ոստիկանության ՔՈԳՎ և Հրազդանի բաժնի քրեական հետախույզների համատեղ ձեռնարկած օպերատիվ-հետախուզական միջոցառումների շնորհիվ փետրվարի 15-ին Հրազդան քաղաքի Միկրոշրջան թաղամասի շենքերից մեկում հայտնաբերվել և Հրազդանի բաժին բերման է ենթարկվել 28-ամյա Տիգրան Ա.-ն, որը հունվարի 31-ից Մոսկվայի մարզի իրավապահների կողմից հետախուզվում էր ՌԴ քրեական օրենսգրքի 119-րդ հոդվածի (Սպանության սպառնալիքը) մեղադրանքով:
Խափանման միջոցը՝ ստորագրություն:
Հայտնաբերման մասին տեղեկացվել է հետախուզումը նախաձեռնողին:

Ոստիկանության Աշտարակի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 15-ին Երևան քաղաքի Հալաբյան փողոցում հայտնաբերվել և բաժին բերման է ենթարկվել 28-ամյա Սպարտակ Պ.-ն, որը հունվարի 21-ից հետախուզվում էր ՀՀ քրեական օրենսգրքի 112-րդ հոդվածի (Դիտավորությամբ առողջությանը ծանր վնաս պատճառելը) մեղադրանքով:
Սպարտակ Պ.-ն ներկայացվել է վարույթն իրականացնող մարմնին:
Խափանման միջոցը՝ կալանք:

Ոստիկանության Էրեբունու բաժնի ՔՀԲ ծառայողների բացատրական աշխատանքի շնորհիվ փետրվարի 15-ին բաժին է ներկայացել 43-ամյա Էռնեստ Վ.-ն, որը 2014 թ. մարտի 31-ից հետախուզվում էր ՀՀ քրեական օրենսգրքի 358.1-րդ հոդվածի (Ստորադասի նկատմամբ բռնի գործողություններ կատարելը կամ դրանք կատարելու սպառնալիքը) 3-րդ մասի մեղադրանքով:
Առանց խափանման միջոցի:

Ոստիկանության ՊԾ Երևանի գնդի 1-ին գումարտակի 2-րդ վաշտի ծառայողների ձեռնարկած միջոցառումների շնորհիվ փետրվարի 16-ին Դավիթ Բեկի փողոցում հայտնաբերվել և ոստիկանության Նոր Նորքի բաժին բերման է ենթարկվել 39-ամյա Կամո Հ.-ն, որը փետրվարի 3-ից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Կամո Հ.-ն ներկայացվել է նախաքննական մարմնին:

Ոստիկանության Մաշտոցի բաժնի ՔՀԲ ծառայողների ձեռնարկած օպերատիվ-հետախուզական միջոցառումների արդյունքում փետրվարի 15-ին Շիրազի փողոցից բերման է ենթարկվել 38-ամյա Գևորգ Ս.-ն, որը փետրվարի 8-ից հետախուզվում էր ՀՀ քրեական օրենսգրքի 38-177-րդ հոդվածի (Գողությանը հանցակցելը) մեղադրանքով:
Խափանման միջոցը՝ կալանք:

Ոստիկանության Կենտրոնական բաժնի ՔՀԲ ծառայողները փետրվարի 15-ին Նուբարաշենի խճուղում հայտնաբերել և բաժին բերման են ենթարկել 22-ամյա Վարուժան Ս.-ին, որը հետախուզվում էր ՀՀ քրեական օրենսգրքի 258-րդ հոդվածի (Խուլիգանությունը) 3-րդ մասի մեղադրանքով:
Խափանման միջոցը՝ ստորագրություն:

Ոստիկանության Արտաշատի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 13-ին Վոլգոգրադ-Երևան չվերթի ինքնաթիռի վայրէջքից հետո «Զվարթնոց» օդանավակայանում հայտնաբերվել և Արտաշատի բաժին բերման է ենթարկվել 49-ամյա Վանիկ Գ.-ն, որը 1995 թ. մարտի 5-ից հետախուզվում էր ՀՀ քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ կալանք: