Բեզոարյան այծերի արու և էգ առանձնյակներ են ֆիքսվել Եղեգիսի անտառապետությունում
ՇՄՆ էկոպարեկային ծառայության Վայոց ձորի և Արարատի մարզային վարչության կողմից իրականացվող ամենօրյա շրջայցերի և հսկողական միջոցառումների շրջանակներում հերթական դիտարկումն է կատարվել Եղեգիսի անտառապետության թիվ 1 պահաբաժնի տարածքում (Եղեգիս գետի ձախափնյա հատված):
Էկոպարեկային ծառայությունից տեղեկացնում են, որ ծառայողական պարտականությունների կատարման ընթացքում ֆիքսվել է ՀՀ Կարմիր գրքում գրանցված կենդանատեսակների, մասնավորապես՝ Բեզոարյան այծերի արու և էգ առանձնյակների բնականոն տեղաշարժը նշված տարածքում:
Կենդանիների խմբի առկայությունը, նրանց հանգիստ վարքագիծն ու տեսակների բազմազանությունը վկայում են տվյալ էկոհամակարգում առկա բարենպաստ և անվտանգ միջավայրի մասին:
Կարծիքներ