Թրամփը հերքում է Կապիտոլիում ներխուժած կողմնակիցներին այցելելու փորձը
ԱՄՆ նախկին նախագահ Դոնալդ Թրամփը իրականությանը չհամապատասխանող հայտարարություններ է անվանել այն, որ 2021 թվականի հունվարի 6-ին պահանջել է անվտանգության աշխատակիցներին՝ իրեն Կապիտոլիում տանել աջակիցների մոտ, իսկ երբ մերժվել է, փորձել է կոտրել ղեկը և շրջել նախագահական լիմուզինը։
Ավելի վաղ երեքշաբթի օրը ԱՄՆ Կոնգրեսի ստորին պալատի հատուկ հանձնաժողովում 2021 թվականի հունվարի 6-ի իրադարձությունների վերաբերյալ լսումների ժամանակ Թրամփի Սպիտակ տան աշխատակազմի ղեկավար Մարկ Մեդոուսի նախկին օգնական Քեսսիդի Հաթչինսոնը նման մեղադրանքներ է հնչեցրել։ Հաթչինսոնը պնդում է, որ Թրամփի աշխատակազմի ղեկավարի նախկին տեղակալ Թոնի Օրնատոն իրեն պատմել է միջադեպի մասին։ Թրամփին, իբր, խոչընդոտել է ԱՄՆ Գաղտնի ծառայությունը։ Հաթչինսոնը նաև մի շարք այլ մեղադրանքներ է հնչեցրել, այդ թվում՝ այն, որ Թրամփը իբր գիտեր, որ Կապիտոլիումի իր որոշ կողմնակիցներ զինված են:
Կարծիքներ