Ջերմաստիճանը կբարձրանա 3-5 աստիճանով

Ուշադրություն

Հուլիսի 10-15-ին Արարատյան դաշտում և նրա նախալեռներում, Վայոց Ձորի նախալեռներում, Սյունիքի հովտային գոտում և Երևանում սպասվում է բարձր կարգի հրդեհավտանգ իրավիճակ

Հանրապետության տարածքում հուլիսի 10-ի ցերեկը ժամանակ առ ժամանակ առանձին շրջաններում, 11-15-ին հիմնականում կեսօրից հետո և գիշերն առանձին շրջաններում սպասվում է անձրև և ամպրոպ, առանձին հատվածներում նաև կարկուտ։ Քամին՝ հյուսիս-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում՝ 20-25 մ/վ արագությամբ։ Օդի ջերմաստիճանը հուլիսի 11-13-ի ցերեկն աստիճանաբար կբարձրանա 3-5 աստիճանով։

Հուլիսի 10-ի և 14-ի երեկոյան ժամերին, 15-ի ցերեկը սպասվում է կարճատև անձրև և ամպրոպ, ամպրոպի ժամանակ քամու ուժգնացում՝ 15-20 մ/վ: Հուլիսի 11-13-ին սպասվում է առանց տեղումների եղանակ:

Նշենք, որ վաղը հայ առաքելական եկեղեցին նշում է Քրիստոսի Պայծառակերպությունը կամ Վարդավառը, որը 5 տաղավար տոներից մեկն է։ Ավանդաբար տոնը նշվում է միմյանց վրա ջուր լցելով ու ժողովրդի մոտ ընդունված է ասել «ջրոցի», որը առավել հաճելի է ամառային շոգ եղանակին։