ԱՄՆ նախագահի՝ կլիմայի հարցերով հատուկ բանագնացը կայցելի եվրոպական մի քանի երկրներ

ԱՄՆ նախագահի՝ կլիմայի հարցերով հատուկ բանագնաց Ջոն Քերին սեպտեմբերի 29-ից հոկտեմբերի 6-ը պաշտոնական այցով կմեկնի Շվեյցարիա, Իտալիա եւ Ֆրանսիա: ТАСС-ի հաղորդմամբ՝ այդ մասին երեքշաբթի օրը հայտնել է Պետդեպարտամենտի մամուլի ծառայությունը:

Մի շարք հանդիպումների ընթացքում Քերին գործընկերների հետ կքննարկի կլիմայի ճգնաժամը հաղթահարելու միջոցառումները։

Սեպտեմբերի 29-ին Ժևում Քերրին կհանդիպի գործարարների հետ՝ խոսելու մասնավոր հատվածի դերի մասին մաքուր տեխնոլոգիաների զարգացման և կլիմայական ճգնաժամի հաղթահարման գործում: COP26- ի նախնական հանդիպումը տեղի կունենա Միլանում սեպտեմբերի 30-ից հոկտեմբերի 2-ը, որին կմասնակցի Քերին: Հոկտեմբերի 3-ից 6-ը Փարիզում նա կայցելի Ելիսեյան պալատ, որտեղ կանցկացնի հանդիպում՝ նվիրված կլիմայի փոփոխության հիմնախնդիրների լուծման նպատակով համաշխարհային ֆինանսական հոսքերի մոբիլիզացմանը: Քերին կմասնակցի նաեւ «Համատեղ արժեքներ. Կառուցելով կանաչ եւ ներառական ապագա» համաժողովին: