Վայքում երիտասարդները գողացել են տարբեր մոդելների բջջային հեռախոսներ

Փետրվարի 24-ին Վայք քաղաքի ՍՊ ընկերություններից մեկի տնօրենը ոստիկանության Վայքի բաժին հաղորդում էր տվել, որ փետրվարի 23-ին՝ ժամը 21.00-ից փետրվարի 24-ի ժամը 09.00-ն ընկած ժամանակահատվածում տեխնիկական միջոցների գործադրմամբ բացել են Շահումյան փողոցի իր խանութ-սրահի դուռը և գողացել տարբեր մոդելների 14 բջջային հեռախոսներ՝ պատճառելով մոտ 1 միլիոն 450 հազար դրամի վնաս:

Ոստիկանության Վայոց ձորի մարզային վարչության, Վայքի բաժնի և ՊՆ Վայքի ռազմական ոստիկանության ծառայողների համատեղ ձեռնարկած միջոցառումներով պարզվել է, որ գողությունն արել են 18-ամյա երկու երիտասարդներ, որոնցից մեկը՝ Տավուշի մարզի Ազատամուտ գյուղի, մյուսը՝ Երևանի բնակիչ:

Նրանք հայտնաբերվել, բերման են ենթարկվել ոստիկանության Վայքի բաժին և տվել խոստովանական բացատրություն: Գողոնը հայտնաբերվել է:

Երիտասարդները ներկայացվել են նախաքննական մարմնին:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: