Բելգրադը և Պրիշտինան պայմանավորվել են ավիահաղորդակցությունը վերսկսելու շուրջ

Բելգրադի և Պրիշտինայի միջև ավիահաղորդակցությունը կվերսկսվի հաջորդ ամիսների ընթացքում: Այդ մասին սեպտեմբերի 11-ին հաղորդել է Բ92 բելգրադյան ռադիոկայանը:

Այն մեջբերում է Կոսովոյի երկրամասային վարչակազմի ենթակառուցվածքի ներկայացուցիչ Արբան Աբրաշի խոսքը, որը պատասխանատու է ենթակառուցվածքի զարգացման համար: Նա հայտնել է, որ «թռիչքները կվերսկսեն ռեկորդային ժամկետում:

Բալկաններում ԱՄՆ-ի վարչակազմի հատուկ հանձնակատար Ռիչարդ Գրենելը նույնպես հայտնել է «Բելգրադի և Պրիշտինայի միջև 21-րդ դարում առաջին թռիչքի շուրջ համաձայնություն ձեռք բերելու մասին»:

Սերբիայի և Կոսովոյի ինքնավար երկրամասի ու Մետոքիայի իշխանությունները հուշագիր են ստորագրել այն մտադրությունների մասին, որոնք վերաբերում են Բելգրադ-Պրիշտինա գծով դեռ փետրվարին ավիահաղորդակցությունը վերսկսելուն: Դրանում, մասնավորապես, հարթվել են անցյալում առկա այնպիսի խոչընդոտներ, ինչպիսիք են հսկողությունն օդային տարածության համար և հարկման հետ կապված իրադրությունը: