Մարմնամարզիկ Էրիկ Բաղդասարյանը 4-րդն է երիտասարդների ԱԱ-ում

Հայաստանի մարմնամարզության հավաքականի անդամներն ավարտեցին ելույթներն աշխարհի երիտասարդների առաջնությունում:

«Արմենպրես»-ի հաղորդմամբ` Թուրքիայի Անթալիա քաղաքում ընթացող աշխարհի երիտասարդների 2-րդ առաջնության մրցումային վերջին օրը առանձին վարժությունների զուգափայտերի եզրափակիչում Հայաստանի հավաքականի անդամ էրիկ Բաղդասարյանը  գրավեց 4-րդ տեղը: Նա հավաքեց 13,633 միավոր: Առաջին տեղում 13,733 միավորով Կոլումբիայի ներկայացուցիչ Անխել Բարախասն է:

Նախօրեին Հայաստանի հավաքականի անդամ Համլետ Մանուկյանը բացառիկ արդյունք գրանցեց` դառնալով ԱԱ-ի կրկնակի ոսկե մեդալակիր: Նա  առաջինն էր օղակների  և նժույթ-թափերի վարժությունում:

Նժույգ-թափերի վարժության  արծաթե մեդալակիրը  Մամիկոն Խաչատրյանն է:

Ավելի վաղ Աշխարհի երիտասարդների առաջնության բազմամարտում Մանուկյանը 6-րդն էր, Էրիկ Բաղդասարյանը` 12-րդը, իսկ թիմային պայքարում Հայաստանի ընտրանին 4-րդն էր:

Հայաստանի հավաքականի կազմում են Էրիկ Բաղդասարյանը, Համլետ Մանուկյանը, Մամիկոն Խաչատրյանը, Մարիետա Բուչախչյանը: Մարզիչներն են Հայկ Նազարյանը և Քնարիկ Բրսոյանը: Հայաստանի տղամարդկանց հավաքականի գլխավոր մարզիչ Հակոբ Սերոբյանը աշխարհի առաջնությունում հանդես է գալիս մրցավարի կարգավիճակում: