Փառատոնների եվրոպական ասոցիացիայի 70-րդ ամյակին նվիրված Արվեստների փառատոնների գագաթնաժողովը կմեկնարկի սեպտեմբերի 12-15-ը

««Եվրոպան փառատոնների համար, փառատոնները Եվրոպայի համար» (EFFA) կնիքը փառատոնային քաղաքների և շրջանների համար» Փառատոնների եվրոպական ասոցիացիայի (EFA) 70-րդ ամյակին նվիրված Արվեստների փառատոնների 2022թ. գագաթնաժողովը կմեկնարկի սեպտեմբերի 12-15-ը Երևանում։

Միջոցառումն այս անգամ կազմակերպվում է «Երևանյան հեռանկարներ» միջազգային երաժշտական փառատոնի կողմից։ «Երևանյան հեռանկարներ» միջազգային երաժշտական փառատոնը և մեր բոլոր գործընկերները՝ մշակութային հաստատությունները, արվեստի վայրերը, արվեստագետները թե՛ քաղաքից, թե՛ մարզերից, մեծ անհամբերությամբ սպասում են միջազգային պատվիրակներին և բաց չեն թողելու նրանց անձամբ հանդիպելու այս հնարավորությունը»,- ասում է «Երևանյան հեռանկարներ» միջազգային երաժշտական փառատոնի տնօրեն Սոնա Հովհաննիսյանը։

Սպասվող 4-օրյա հանդիպումները նշանավորելու են Ասոցիացիայի հաջորդ տասնամյակի համագործակցությունը փառատոնների հեղինակների և այլ շահագրգիռ կողմերի միջև: Միացե՛ք <<Ready, steady, join us: 70 Years-On>> խորագիրը կրող հանդիպմանը, որի շրջանակներում ներկայացվելու են Փառատոնների եվրոպական ասոցիացիայի յոթանասունամյակի օրակարգը և <<«Եվրոպան փառատոնների համար, փառատոնները Եվրոպայի համար» (EFFA) կնիքը փառատոնային քաղաքների և շրջանների համար>> նախաձեռնությունը։

<<Ready, steady, join us: 70 Years-On>> խորագիրը կրող հանդիպումը նվիրված է Փառատոնների եվրոպական ասոցիացիայի երկու կարևորագույն նախաձեռնությունների՝ Յոթանասունամյակի օրակարգին և ««Եվրոպան փառատոնների համար, փառատոնները Եվրոպայի համար» (EFFA) կնիքը փառատոնային քաղաքների և շրջանների համար» նախաձեռնության մեկնարկին։

Հանդիպումը տեղի է ունենալու սեպտեմբերի 13-ին ժամը 9:30-11:00-ն Երևանի Արմենիա Մարիոթ հյուրանոցում։ 90 րոպեանոց այս հանդիպման ժամանակ տրվելու է ««Եվրոպան փառատոնների համար, փառատոնները Եվրոպայի համար» (EFFA) կնիքը փառատոնային քաղաքների և շրջանների համար» նախաձեռնության մեկնարկը և մասնակից բոլոր քաղաքների հետ քննարկվելու է ասոցիացիայի կողմից մշակված յոթանասունամյակի օրակարգը։

Հանդիպմանը ներկայացվելու են նաև փառատոններին և մյուս շահագրգիռ կողմերին առաջարկվող այլ նախաձեռնություններ, ինչպիսիք են Եվրոպական փառատոնների՝ Նորահայտ արվեստագետների աջակցության նորաստեղծ հիմնադրամը և «Միջազգային փառատոնները հայտարարում են արտակարգ իրավիճակ» արշավը: ««Եվրոպան փառատոնների համար, փառատոնները Եվրոպայի համար» (EFFA) կնիքը փառատոնային քաղաքների և շրջանների համար» նախաձեռնությունը մշակվել է 7 առաջատար քաղաքների՝ Բելգրադի, Բերգենի, Էդինբուրգի, Գենտի, Կրակովի, Լեուվարդենի և Լյուբլյանայի կողմից։

««Եվրոպան փառատոնների համար, փառատոնները Եվրոպայի համար» (EFFA) կնիքի նպատակն է խթանել փորձի փոխանակման գործընթացի փառատոների և այն տեղական համայնքների միջև, որոնք ցանկանում են կապել և ինտեգրել իրենց անունն ու քաղաքականությունը այս հզոր մշակութային միավորների հետ: Հիմնադիր 7 քաղաքները մանրամասն ներկայացնելու են ««Եվրոպան փառատոնների համար, փառատոնները Եվրոպայի համար» (EFFA) կնիքի բազմազան կիրառություններն ու առավելությունը, որոնք փորձարկվել են վերջին 6 ամիսների ընթացքում։ Նախքան ստորագրման արարողության մեկնարկը՝ նախաձեռնությանը միանալու են նաև Եվրոպայի և իր սահմաններից դուրս գտնվող բազմաթիվ այլ քաղաքներ: Մոտ 45 երկիր ներկայացնող 120 փառատոնների առաջնորդներ և այլ շահագրգիռ կողմեր հանդիպելու են Արվեստների փառատոնների գագաթնաժողովի ընթացքում կիսվելու իրենց մտքերով, մտահոգություններով, կարիքներով և գեղարվեստական առաջարկներով։ Փառատոնների եվրոպական ասոցիացիայի պատվիրակները հայտնում են իրենց պատրաստակամությունը շարունակելու ծառայել անդամ երկրների արվեստագետներին։ Հանդիպմանը մասնացկելու են նաև Եվրոպայի ամենահին և ամենախոշոր փառատոններից Հոլանդիայի փառատոնը, Էդինբուրգի միջազգային փառատոնը, Շլեսվիգ-Հոլշտայնի երաժշտական փառատոնը, Ֆլանդրիայի փառատոնը, ԲՈԶԱՐ-ը, Գդանսկի շեքսպիրյան փառատոնը և այլոք։

Այս տարվա գագաթնաժողովի շրջանակներում մշակվելու է նոր մոտեցում փառատոնային աշխարհին արվեստի և մշակույթի ոլորտում իր ուրույն տեղը հաղորդելու համար։ Սա հնարավորություն կտա փառատոններին կյանքի կոչելու իրենց կարևոր առաքելությունը որպես կենսական դերակատարներ գեղարվեստական և հանրային կյանքում։ Միջոցառմանը մասնակցելու են նաև տարբեր քաղաքների քաղաքապետեր, բիզնեսի ներկայացուցիչներ, արվեստագետներ, լրագրողներ և այլ շահակիցներ՝ միավորվելու արվեստի և արվեստի փառատոնների զորեղ ուժի շուրջ և հնարավորություն տալու եվրոպայի քաղաքացիներին իրենց դերակատարությունն ունենալու Եվրոպայի և ողջ աշխարհում դրա դիրքի առաջխաղացման գործում։ Արվեստների փառատոնների գագաթնաժողովի ծրագրով նախատեսված են նաև մի շարք մշակութային և գեղարվեստական միջոցառումներ Երևան քաղաքում:

Քայլերթերի ընթացքում պատվիրակները ծանոթանալու են Երևանի ամենախոշոր մշակութային գործիչների հետ, ովքեր ուրախությամբ կբացեն իրենց դռները ժամանած հյուրերի առջև: Մատենադարանում հյուրերը կտեսնեն համաշխարհային մատենագրության կարևորագույն հավաքածուներից մեկը։ Կազմակերպվելու են նաև համերգային միջոցառնում։ Սեպտեմբերի 12-ին Սերգեյ Խաչատրյանի և Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի համերգով պաշտոնապես կտրվ գագաթնաժողովի բացումը։ Ծրագրով նախատեսվում է նաև էքսկուրսիա Երևանի ամենակարևոր տեսարժան վայրերով։ Կազմակերպվելու է այց Ծիծեռնակաբերդ, Ցեղասպանության հուշահամալիր և այլ վայրեր: Հաշվի առնելով Ուկրաինայի ահագնացող պատերազմը՝ Ծիծեռնակաբերդի հուշահամալիր այցը նվիրված կլինի նաև խաղաղության և համերաշխության կարևորությանը։ Փառատոնների եվրոպական ասոցիացիան (EFA) արվեստների փառատոնների եվրոպական ցանցն է։

1952 թվականից ի վեր այն համախմբել է փառատոնների հեղինակների ամբողջ աշխարհից՝ հարթակ դառնալով անդրազգային մակարդակում փորձի փոխանակման և համագործակցության, ինչպես նաև տեղական, ազգային և եվրոպական մակարդակներում քաղաքական երկխոսության մեջ արվեստին ու արվեստի փառատոններին նոր ձայն հաղորդելու համար։ «70 տարի առաջ շվեյցարացի գրող և փիլիսոփա Դենիս դը Ռուժեմոնը և ուկրաինացի դիրիժոր Իգոր Մարկևիչը հիմնեցին Փառատոնների եվրոպական ասոցիացիան որպես մշակութային խաղաղապահ առաքելություն, երկխոսության հարթակ, և հույսի ու միաբանության արտահայտություն: Այս նշանակալի իրադարձության 70-րդ տարելիցի կապակցությամբ Փառատոնների եվրոպական ասոցիացիան հրավիրում է ձեզ մասնակցելու Արվեստների փառատոնների հոբելյանական գագաթնաժողովին, որի ընթացքում երկխոսության և քննարկումների միջոցով մասնակիցները հայացք են գցելու նոր տասնամյակի մարտահրավերներին և հնարավոր հաջողություններին։

Կոնտակներ․ Փառատոնների եվրոպական ասոցիացիայի նախագահի, խորհրդի անդամների կամ գլխավոր քարտուղարի հետ հարցազրույցի համար կարող եք դիմել Օդրի Բրիսաքին։ Օդրի Բրիսաք, Հաղորդակցության և կապի պատասխանատու, [email protected] - +32 472 52 72 32 «Երևանյան հեռանկարներ» միջազգային երաժշտական փառատոնի նախագահի հետ հարցազրույցի համար դիմել Դավիթ Գրիգորյանին։ Դավիթ Գրիգորյան, Մամուլի պատասխանատու, +374 91 589455 Փառատոնների եվրոպական ասոցիացիա (EFA) Բրյուսսել – Բելգիա Հեռ.՝: +32(0) 2 +32 2 644 «Երևանյան հեռանկարներ» միջազգային երաժշտական փառատոն Երևան – Հայաստան Հեռ.՝: +374(0) 77 805687