Մեկ օրում Սև ծով է մտել ՆԱՏՕ-ի երկրորդ նավը

Սև ծով է մտել ամերիկյան Arleigh Burke, USS Thomas Hudner (DDG-116) տիպի հրթիռային էսկադրային ականակիրը։ Սա ՆԱՏՕ-ի արդեն երկրորդ ռազմանավն է, որը վերջին օրվա ընթացքում մտել է ջրատարածք։ Դա հետևում է նավերի Դիրքավորման միջազգային համակարգի (AIS) տվյալներից։

Ավելի վաղ վեցերորդ օպերատիվ նավատորմը հայտնել էր, որ նավը ուղևորվում է Սև ծով ՝ «ծովում անվտանգության ապահովման գործողություններ իրականացնելու համար»:

Նավը կմիանա ՆԱՏՕ-ի խմբավորմանը, որը մասնակցում է Ռումինիայի ափերի մոտ անցկացվող Ծովային վահան 21  միջազգային զորավարժություններին:

Սա ԱՄՆ ռազմածովային ուժերի արդեն երկրորդ ռազմանավն է, որը վերջին 24 ժամվա ընթացքում մտնում է Սև ծովի ջրատարածք։ Մարտի 19-ին այնտեղ է մտել ԱՄՆ-ի ռազմածովային ուժերի Monterey հրթիռային հածանավը, որը հագեցած է առնվազն 26 Tomahawk թևավոր հրթիռներով:

ՌԴ պաշտպանության կառավարման ազգային կենտրոնում նախօրեին հայտնել են, որ ռուս զինվորականները հետևում են ամերիկյան հածանավին:

Thomas Hudner էսկադրային ականակիրը կարող է իրականացնել մինչև 56 թևավոր Tomahawk հրթիռներ՝ 1,6 հազար կմ հեռահարությամբ:

Այս շաբաթ ավելի վաղ Ուկրաինայի ռազմածովային ուժերը զորավարժություններ են անցկացրել ՆԱՏՕ-ի նավերի հետ։ Դրանք արդեն այս տարի PASSEX տիպի երկրորդ մարզումներն էին՝ Սևծովյան տարածաշրջանում ուկրաինական ՌԾՈՒ-ի և ՆԱՏՕ-ի նավերի մասնակցությամբ։

Հիշեցնենք, որ առաջին նման վարժանքներն անցկացվել են հունվարի վերջին Սև ծովի ջրատարածքում: