Երևանի Նուբարաշենի աղբավայրի հրդեհը տեղայնացվել է
Երևանի Նուբարաշենի աղբավայրի տարածքում մայիսի 18-ի առավոտյան նկատվել են ծխացող օջախներ։ Ինչպես տեղեկացրին Երևանի քաղաքապետարանից, դեպքի մասին անմիջապես տեղեկացվել են քաղաքային իշխանությունները, որոնք էլ համայնքային ջրցաններն ու տեխնիկական այլ միջոցները կենտրոնացրել են աղբավայրի տարածքում՝ հրդեհը չեզոքացնելու նպատակով։
Ըստ աղբյուրի՝ գործընթացն իրականացվում է նաև ՀՀ ՆԳՆ փրկարար ծառայության տեխնիկական ռեսուրսներով։
Նշվում է, որ համատեղ ջանքերով հաջողվել է հրդեհը տեղայնացնել։
Կարծիքներ