Թումանյան-«Սանահին» կայարան ճանապարհահատվածում շուտով կվերսկսվի ասֆալտապատումը

Հասարակություն 12 Մայիս 2022 | 10:57

«Ճանապարհային դեպարտամենտ» հիմնադրամի և Ասիական զարգացման բանկի ներկայացուցիչները եղել են Մ-6, Վանաձոր-Ալավերդի-Վրաստանի սահման միջպետական նշանակության ճանապարհի հիմնանորոգվող հատվածում։ Նրանք շինարարության տեխնիկական հսկողությունն իրականացնող թիմի ղեկավարի հետ դիտարկել են կատարվող աշխատանքները։

Այս պահին Թումանյան-«Սանահին» կայարան ճանապարհահատվածում տեղադրվում է խճային հիմք, անձրևների դադարից հետո կվերսկսվի ասֆալտապատումը։ «Սանահին» կայարան-Հաղպատ հատվածում կապալառուն տեղադրում է մետաղական արգելափակոցներ, իսկ Այրումից դեպի Բագրատաշեն տեղամասում կառուցվում են ամրանավորված լիցքով պատեր։