Մեծ Բրիտանիայի ամենափոքր արքայազնը 4 տարեկան է․ Միդլթոնը Լուիից լուսանկարներ է հրապարակել
Մեծ Բրիտանիայի արքայազն Ուիլյամի կինը՝ Քեմբրիջի դքսուհի Քեյթ Միդլթոնը, հրապարակել է կրտսեր որդու՝ արքայազն Լուիի նոր լուսանկարները, գրում է Daily Mail-ը։
Մեծ Բրիտանիայի ամենակրտսեր արքայազնը դարձել է չորս տարեկան, այդ կապակցությամբ մայրը երկու լուսանկար է հրապարակել։ Լուսանկարներում Լուին լողափում է։ Նա բոկոտն խաղում է գնդակով։ Նկարների հեղինակը հենց ինքը` Քեյթն է։
Նշենք, որ թագավորական ընտանիքում որևէ լուսանկար հրապարակելուց առաջ երկար բանակցություններ ու խմբագրումներ են լինում։ Իսկ երեխաների լուսանկարներ տեղադրելը սովորական պրակտիկա չէ ։
Արքայազն Լուին բրիտանական գահի ժառանգների շարքում հինգերորդն է՝ իր պապ Չարլզից, հայր Ուիլյամից, եղբայր Ջորջից և քույր Շառլոտից հետո։
Կարծիքներ