Մեդինսկին հայտնել է՝ այսօր ինչ հարցեր են քննարկելու ուկրաինական կողմի հետ
ՌԴ պատվիրակությունը Ուկրաինայի հետ բանակցությունների երրորդ փուլում կփորձի կրկին բարձրացնել հումանիտար միջանցքների թեման։ Այս մասին Ուկրաինայի հետ բանակցությունների երրորդ փուլի մեկնարկից առաջ հայտարարել է ռուսական պատվիրակության ղեկավար, նախագահի օգնական Վլադիմիր Մեդինսկին։
«Մենք այսօր կրկին կփորձենք ուկրաինական կողմի հետ քննարկել հումանիտար միջանցքների շահագործման ռեժիմը, քանի որ բոլոր այն քաղաքներում, որտեղ մենք խոստացել էինք, այդ միջանցքները բաց են»,- ՏԱՍՍ գործակալության հաղորդմամբ՝ այս մասին նա ասել է րագրողներին՝ նշելով, որ «մարդիկ կարող են այդ միջանցնքներով դուրս գալ»։
Մեդինսկին նշել է նաև, որ Ռուսաստանի Դաշնությունը ցավում է, որ Ուկրաինայում հումանիտար միջանցքներից ոչ մեկն ամբողջությամբ չի գործում: Նա հիշեցրել է, որ «վերջին հանդիպմանը պայմանավորվածություն է ձեռք բերվել հումանիտար միջանցքների ստեղծման մասին՝ քաղաքներից, որտեղ ռազմական գործողություններ են տեղի ունենում, խաղաղ բնակիչների դուրս գալու համար»։
«Ցավոք, դրանցից գրեթե ոչ մեկն ամբողջությամբ չաշխատեց»,- հայտարարել է պատվիրակության ղեկավարը։
Մեդինսկին ռազմական հանցագործություն է անվանել ուկրաինացի ազգայնականների գործողությունները, որոնք խոնընդոտում են խաղաղ բնակչության տարհանմանը:
Կարծիքներ