Ինձ բաժին էր հասել շատ «կեղտոտ» ու ոչ տղամարդուն վայել մրցակից. Արման Դարչինյան
Բռնցքամարտի Աշխարհի առաջնության 1/16 եզրափակչում Ղրղզստանի ներկայացուցչին հաղթելուց հետո Արման Դարչինյանը Հայաստանի բռնցքամարտի ֆեդերացիային տված հարցազրույցում նշել է, որ իրեն ոչ տղամարդկային մրցակից էր բաժին հասել:
«Ինձ բաժին էր հասել շատ «կեղտոտ» ու ոչ տղամարդուն վայել մրցակից: Աշխարհի առաջնությունում սա իմ առաջին մենամարտն էր: Մի փոքր քիչ աշխատեցի, եթե 3 ռաունդ մենամարտեի, անհամեմատ լավ կլիներ, շատ ավելի լավ կզգայի ռինգը: Կարևորը հաղթանակն էր ու նաև այն, որ մինչև մրցակցի անթույլատրելի հարվածները, ես ունեի նկատելի առավելություն: Մարզիչներիս հետ ավելի մանրամասն կվելուծենք մենամարտը: Նշեմ, որ նոր քաշային կարգում ինձ բավականին լավ եմ զգում: 75 կգ քաշային կարգում մրցակիցներս ինձնից բավականին ծանր էին»,-ասել է Դարչինյանը:
Կարծիքներ