Սոչին ջրածածկ է եղել․ բնակչությանը զգուշացվել է հնարավոր տարհանման մասին
Առողջարանային Սոչի քաղաքի իշխանությունները նախազգուշացրել են տեղի բնակիչներին հնարավոր տարհանման մասին, եթե Ադլերի և Խոստինսկի շրջանների գետերը դուրս գան ափերից: Այս մասին հայտնում է «Ինտերֆաքս» -ը ՝ վկայակոչելով քաղաքային վարչակազմի մամուլի ծառայությունը:
Նշվում է, որ հորդառատ անձրևները հանգեցրել են Հերոտա և Մացեստա գետերում ջրի՝ կրիտիկական մակարդակի բարձրացման: Բնության տարերքի հետևանքները վերացնելու համար քաղաքային օպերատիվ շտաբն աշխատում է շուրջօրյա:
Կիրակի Սոչիում փոթորկոտ եղանակ է եղել, որն ուղեկցվել է հորդառատ անձրևով։ Ավելի վաղ հայտնել էինք երեք տասնյակից ավելի ծառերի տապալման, 1 զոհի և 2 վիրավորի մասին։
Կարծիքներ