Էյֆելյան աշտարակի վարչակազմը հերքել է դրա փլուզման սպառնալիքի մասին լուրերը

Էյֆելյան աշտարակի վարչակազմը հերքել է դրա փլուզման սպառնալիքի մասին լուրերը

Էյֆելյան աշտարակի վիճակը թույլ չի տալիս խոսել դրա փլուզման վտանգի մասին, իսկ հայտնաբերված թերությունները կրիտիկական չեն։ Այս մասին հայտնում է Agence France-Presse-ը՝ Էյֆելյան աշտարակի շահագործման ընկերության (SETE) տնօրեն Պատրիկ Բրանկո Ռուիվոյին հղումով։

Նա, մասնավորապես, հայտարարել է, որ աշտարակը «երբեք այնպես լավ չի սպասարկվել, ինչպես հիմա», ինչպես նաև վստահեցրել է, որ «այն կշարունակի կանգուն մնալ անթերի մետաղի շնորհիվ»։ SETE-ի ղեկավարը հիշեցրել է, որ ներկայիս՝ արդեն 20-րդ, կառույցի ներկման արշավը շարունակվում է 2019 թվականից և նախատեսված է աշտարակը ժանգից պաշտպանելու համար։