Հուսով եմ` Վեհափառը կների ցածրիս. իր առաջնորդած շարժումը սկսել է բացասաբար ազդել ենթակաների հուզական ֆոնի վրա. Ռուբինյան

Ազգային ժողովի նախագահի տեղակալ Ռուբեն Ռուբինյանը «Ֆեյսբուք»-ի իր էջում 2 մեջբերում է արել. մեկը՝ Շիրակի թեմի առաջնորդ Միքայել արքեպիսկոպոս Աջապահյանի, մյուսը՝ Տավուշի թեմի  առաջնորդությունը սառեցրած Վազգեն (Բագրատ) Գալստայանի հայտարարություններից:

Գրառումը ներկայացնում ենք ստորև.

«Շատ իրատեսական է, որ այս իշխանությունը ընդունակ է ցանկացած այլանդակության` ներառյալ դիմելու Ադրբեջանին, որ հարձակվիր, որպեսզի ես մեղադրեմ այս շարժմանը»:

Միքայել արքեպիսկոպոս Աջապահյան 15.05.2024

«Փաստորեն (Լոռիում և Տավուշում աղետի) կանխարգելման հնարավորություն ունեցել են....Միգուցե դիտմա՞մբ են արել(չեն կանխել աղետը)` կանխելու համար մեր ցույցը: Մեղք էլ չեմ վերցնի վրաս, որ ասեմ հենց այդպես է, բայց վարկած է»:

Բագրատ արքեպիսկոպոս Գալստանյան, 30.05.2024, քիչ առաջ

Հուսով եմ` Վեհափառ Տերը կների ցածրիս, եթե խոնարհաբար հանդգնեմ կարծիք հայտնել, որ իր առաջնորդած ընդդիմադիր շարժումը սկսել է բացասաբար ազդել իր ենթակաների հուզական ֆոնի վրա: Գուցե հարգարժան սրբազանների սրտերն այնքան են լցվել ատելությամբ, որ սա սկսել է մթագնել նրանց բանականությունը:

Մեղք էլ չեմ վերցնի վրաս, որ ասեմ հենց այդպես է, բայց վարկած է»,-գրել է Ռուբինյանը: