Նիգերիայի կաթոլիկ եկեղեցու հարձակման զոհերի թիվը հասել է 50-ի

Ավելի քան 50 մարդ է զոհվել կիրակի օրը Նիգերիայի հարավ-արևմուտքում գտնվող Սուրբ Ֆրանցիսկոս կաթոլիկ եկեղեցում զինյալների հարձակման հետևանքով: Այս մասին հայտնում է նիգերիական Nigerian Tribune թերթը ՝ վկայակոչելով բժիշկներին։

Ըստ հրապարակման՝ կան նաև վիրավորներ, նրանք տեղափոխվել են Օվո քաղաքի բժշկական կենտրոն։ Նախկինում նիգերիական լրատվամիջոցները հայտնում էին 25 զոհի մասին։ Իր հերթին, Politics Nigeria լրատվական պորտալը , վկայակոչելով յորուբա ժողովրդի հասարակական առաջնորդ Բանջի Ակինտոյեին, հայտնում է 85 զոհերի մասին: Պաշտոնական հաստատում դեռևս չկա։

Առավոտյան ժամերգության ժամանակ եկեղեցի են ներխուժել հինգ զինյալներ։ Նրանք կրակ են բացել ծխականների վրա և փորձել են գերել քահանային։ Նրա դիմադրությունից հետո հարձակվողները ռումբ են նետել ծխականների վրա։