Լեհ սահմանապահները Բալթիկ ծովում ռուսական բեռնատար նավ են ձերբակալել

Լեհ սահմանապահները շաբաթ օրը Բալթիկ ծովի Գդանսկի ծոցում ձերբակալել են ռուսական բեռնատար Ռուսլանա նավը։ ՏԱՍՍ-ի հաղորդմամբ՝ այս մասին հայտնում է լեհական Sea Portal մասնագիտացված կայքը ։

 Սանկտ Պետերբուրգից տրանսպորտային ընկերությանը պատկանող նավը արագությամբ շարժվել է ուղիղ դեպի Սոբեշևսկի կղզու լողափ նախատեսված ջրային ճանապարհից դուրս։

Միջադեպը տեղի է ունեցել շաբաթ օրը մոտավորապես ժամը 04:00-ին: Անձնակազմը չի արձագանքել սահմանապահ ծառայությունների զանգերին։

Լողափից մեկ կիլոմետր հեռավորության վրա բեռնանավը 180 աստիճանի շրջադարձ է կատարել՝ խուսափելով շրջվելուց։ 

Ըստ աղբյուրի՝ բեռնատարի կապիտանը և երկու սպա հարբած են եղել։ Լեհական լրատվամիջոցների փոխանցմամբ՝  Լեհաստանում միջադեպի վերաբերյալ վարույթ է հարուցվել, մասնավորապես, Գդինիայի ծովային վարչության մասնակցությամբ։

Marine Traffic պորտալի տվյալներով՝ նավը ներկայումս գտնվում է Գդանսկի նավահանգստում։