Ինչպիսին է քվեարկության ակտիվությունը Գյումրիում և Փարաքարում՝ 14:00-ի դրությամբ

Կենտրոնական ընտրական հանձնաժողովը հրապարակել է քվեարկության մասնակիցների թիվը՝ 14:00-ի դրությամբ:

Ըստ այդմ՝ ժամը 14:00-ի դրությամբ, Արմավիրի մարզի Փարաքար համայնքի ավագանու ընտրություններին մասնակցել է 7 հազար 067 ընտրական իրավունք ունեցող անձ կամ ընտրողների 33.71%-ը:

Փարաքարում ընտրական իրավունք ունի 20 հազար 967 անձ:

Շիրակի մարզի Գյումրի  համայնքի ավագանու արտահերթ ընտրություններին, ժամը 14:00-ի դրությամբ, մասնակցել է 25 հազար 255 ընտրող կամ ընտրական իրավունք ունեցող քաղաքացիների 22.70%-ը:

Գյումրի համայնքում ընտրական իրավունք ունեցող քաղաքացիների թիվը 111 հազար 236 է:

Երկու համայնքներում միասին քվեարկությանը մասնակցել է 32 հազար 322 ընտրող կամ ընտրական իրավունք ունեցող քաղաքացիների 24.45%-ը: