Դուրյան թաղամասի մոտակայքում մեքենաներ են բախվել
Փետրվարի 24-ին՝ ժամը 15։16-ին, Ճգնաժամային կառավարման ազգային կենտրոն ահազանգ է ստացվել, որ Երևանի Դուրյան թաղամասի մոտակայքում տեղի է ունեցել ՃՏՊ։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երեք մարտական հաշվարկ։ Պարզվել է, որ բախվել են «ԲՄՎ» և «Ինֆինիտի» մակնիշների ավտոմեքենաները, ինչի հետևանքով վերջինս կողաշրջվել է։ Առկա է եղել բենզինի արտահոսք։
Փրկարարները հոսանքազրկել են «ԲՄՎ» մակնիշի ավտոմեքենան և իրականացրել ճանապարհի լվացման աշխատանքներ։ Փրկարարները, տեղի ուժերի հետ համատեղ, ուղղել են «Ինֆինիտի» մակնիշի ավտոմեքենան, հոսանքազրկել և օգնել քարշակմանը։
Կարծիքներ