Մեքենայում կարող էիք լինել դուք, ձեր երեխան, ծնողը. եթե սա ահաբեկչության պլանավորում չէ, ապա ինչ է. Ալեքսանյան
«Քաղաքացիական պայմանագիր» խմբակցության պատգամավոր Վահագն Ալեքսանյանն անդրադարձել է ահաբեկչության նախապատրաստման մասնակիցների պաշտպանների հայտարարություններին և մեկնաբանություններին:
«Բագրատ Գալստանյանի և մյուս ձերբակալվածների պաշտպանները, նրանց քաղաքական հովանավորները պարբերաբար պնդում են, թե նրանց ծրագրավորածը լավագույն դեպքում մանր խուլիգանություն է և ոչ մի կերպ չի կարող դիտարկվել որպես ահաբեկչություն։
Ես ձեզ հիշեցնեմ, որ Գալստանյանը Քոչարյանի պատգամավոր Արթուր Սարգսյանը և նրանց մյուս հանցակիցները շատ երկար քննարկում էին, թե ինչպես պետք է պատրաստեն մեքենաների անիվների տակ տեղադրվելիք հատուկ աստղիկները, որոնք պետք է նետվեին փողոցի երթևեկելի հատվածներում ընթացքի ժամանակ, որպեսզի, ինչպես իրենք էին շեշտում, ոչ թե ծակեն, այլ ճղեն մեքենաների ակերը, այն մեքենաների, որոնք որոշակի արագության տակ երթևեկում էին փողոցում»,- ասել է Ալեքսանյանը՝ հարցնելով՝ իսկ գիտե՞ք՝ ինչ է տեղի ունենում, երբ երթևեկության ժամանակ ճղվում և ոչ թե ծակվում է մեքենայի դիմացի ակը:
Չիմացողների համար Ալեքսանյանը փոքր տեսանյութ է ցուցադրել՝ ընդգծելով.
«Սա պիտի տեղի ունենար Երևանի փողոցներով երթևեկող ցանկացած մեքենայի հետ, որում կարող էիք լինել դուք, ձեր երեխան, ձեր ծնողը: Եթե սա ահաբեկչության պլանավորում չէ, ապա ի՞նչ է»:
Կարծիքներ