Պայթյուն Գեղարքունիք գյուղի տներից մեկում. մահացել է 37-ամյա բնակչուհին

Այսօր՝ փետրվարի 26-ին, պայթյուն և ողբերգական դեպք  է տեղի ունեցել Գեղարքունքի մարզում:

ժամը 11:00-ի սահմաններում ՀՀ Ներքին գործերի նախարարության ոստիկանության Գեղարքունիքի մարզային վարչություն ահազանգ է ստացվել, որ Գեղարքունիք գյուղի դպրոցի հարևանությամբ գտնվող տներից մեկում պայթյուն է տեղի ունեցել, և ըստ նախնական տեղեկությունների՝ կա զոհ: 

Ինչպես հայտնում է shamshyan.com-ը,  դեպքի վայր են ժամանել ոստիկանության,փրկարար ծառայության, պարեկային ծառայության խմբերը:

Պարեկները սահմանազատել են սեփական տան ողջ տարածքը, որպեսզի տեղում աշխատեն փրկարարները,  քննիչներն ու փորձաքրեագետները:

Ըստ նախնական տեղեկությունների՝ պայթյունը առաջացել է գազի կաթսայից, ինչի հետևանքով էլ տեղում մահացել է նշված տան բնակիչ, 37-ամյա կինը, ում ինքնությունը ճշտվում է:  

Պայթյունի հետևանքով տանը տեղի է ունեցել պատերի փլուզում: 

Դեպքի փաստով Գեղարքունիքի մարզային քննչական վարչությունում նախաձեռնվել է վարույթ: