Հովհաննես Բաչկովը, հիանալի մենամարտ անցկացնելով, դուրս եկավ ԵԱ կիսաեզրափակիչ

Հովհաննես Բաչկովը, հիանալի մենամարտ անցկացնելով, դուրս եկավ ԵԱ կիսաեզրափակիչ

Երևանում շարունակվում է բռնցքամարտի Եվրոպայի առաջնությունը։

Ինչպես փոխանցում է Armsport.am-ը, քիչ առաջ տեղի ունեցած քառորդ եզրափակչում 63,5 կգ քաշային Հովհաննես Բաչկովը հաղթեց Չեխիայի ներկայացուցիչ Պետր Նովակին և դուրս եկավ կիսաեզրափակիչ՝ առնվազն ապահովելով բրոնզե մեդալ։

29-ամյա հայ բռնցքամարտիկը հիանալի աշխատեց երեք ռաունդների ընթացքում։ Երեք անգամ ռինգի մրցավարը հաշիվ բացեց չեխ մրցակցի համար։

Կիսաեզրափակչում Հովհաննեսի մրցակիցը հայտնի կդառնա քիչ անց։ Բաչկովի հնարավոր մրցակիցներն են Հունգարիայի ներկայացուցիչ Ռիչարդ Կովաչը և Իսրայելի ներկայացուցիչ Ահմադ Շդիվին։ Հենց այս զույգի հաղթողը բաժին կհասնի Բաչկովին։