Կանադան 11 մլն դոլար կհատկացնի Ուկրաինայում ականազերծման սարքավորումների համար

Կանադան 15 միլիոն կանադական դոլար (11 միլիոն դոլար) կտրամադրի Ուկրաինային ականազերծման համար անհրաժեշտ սարքավորումների համար։ Այս մասին երեքշաբթի հայտնել է The Globe and Mail թերթը  ՝ վկայակոչելով երկրի իշխանություններին։

Սրանք կոստյումներ են սակրավորների համար և «ժամանակակից հեռակառավարվող համակարգեր մեծ տարածքների ականազերծման համար, ինչպիսիք են գյուղատնտեսական հողերը»:

Ըստ հրատարակության՝ այս քայլը կօգնի Կիևին ականների և չպայթած զինամթերքի հայտնաբերման և մաքրման գործում։

Ավելի վաղ Կանադայի իշխանությունները որոշել էին Ուկրաինային ռազմական օգնություն տրամադրել 34 միլիոն կանադական դոլարով (25,5 միլիոն դոլար)։ Օգնության հաջորդ փաթեթը ներառում էր ձմեռային սարքավորումներ և բարձր լուծաչափով անօդաչու սարքերի տեսախցիկներ: Օտտավան նաև մտադիր էր կանադական արբանյակներից Կիև ուղարկել նկարներ։

ՌԴ ԱԳ նախարար Սերգեյ Լավրովը հայտարարել է, որ ԱՄՆ-ն և ՆԱՏՕ-ն անմիջականորեն ներգրավված են Ուկրաինայի հակամարտության մեջ՝ զենք մատակարարելով և զինվորական անձնակազմի պատրաստմամբ։ Միաժամանակ ՌԴ ԱԳՆ ղեկավարը նշել է, որ դաշինքը պատերազմ է պարտադրում Կիևին՝ միայն բարդացնելով իրավիճակը։