Տեղեկատվություն՝ Արցախի բնակչության կոմունալ ծառայությունների փոխհատուցման աջակցության վերաբերյալ

Տեղեկատվություն՝ Արցախի բնակչության կոմունալ ծառայությունների փոխհատուցման աջակցության վերաբերյալ

Արցախի Հանրապետության էկոնոմիկայի և արտադրական ենթակառուցվածքների նախարարությունից տեղեկացնում են, որ՝

Արցախի Հանրապետության կառավարությունը Արցախի Հանրապետության բնակչության կոմունալ ծառայությունների փոխհատուցման աջակցություն է տրամադրվում 2020 թ.ի դեկտեմբեր ամսվա և 2021 թ. բոլոր ամիսների համար:

Մեկ բնակիչ-բաժանորդի համար 2020 թ. դեկտեմբեր ամսվա և 2021 թ. համար աջակցության առավելագույն չափը սահմանվում է հետևյալ կերպ.

1) Արցախի Հանրապետության և Հայաստանի Հանրապետության տարածքում մատուցվող բջջային կապի ծառայությունների գծով՝ մինչև 180 րոպե և մինչև 50 հատ SMS հաղորդագրություն,

2) ինտերնետ կապի ծառայության գծով՝ մինչև 1 Մբ/վրկ արագություն.

3) 2020 թ. դեկտեմբեր և 2021 թ. հունվար, փետրվար, մարտ և դեկտեմբեր ամիսների համար՝

ա. բնական գազի սպառման գծով՝ մինչև 180 խմ ներառյալ, իսկ չգազիֆիկացված բնակելի տան կամ բնակարանի էլեկտրական էներգիայի սպառող բնակիչ-բաժանորդների համար 15000 ՀՀ դրամի չափով,

բ. էլեկտրական էներգիայի սպառման գծով՝ մինչև 500 կվտ/ժ ներառյալ.

4) 2021 թ. ապրիլ, մայիս, սեպտեմբեր, հոկտեմբեր, նոյեմբեր ամիսների համար՝

ա. բնական գազի սպառման գծով՝ մինչև 120 խմ ներառյալ, իսկ չգազիֆիկացված բնակելի տան կամ բնակարանի էլեկտրական էներգիայի սպառող բնակիչ-բաժանորդների համար 10000 ՀՀ դրամի չափով,

բ. էլեկտրական էներգիայի սպառման գծով՝ մինչև 400 կվտ/ժ ներառյալ:

5) 2021 թ. հունիս, հուլիս և օգոստոս ամիսների համար՝

ա. բնական գազի սպառման գծով՝ մինչև 60 խմ ներառյալ, իսկ չգազիֆիկացված բնակելի տան կամ բնակարանի էլեկտրական էներգիայի սպառող բնակիչ-բաժանորդների համար 5000 ՀՀ դրամի չափով:

բ. էլեկտրական էներգիայի սպառման գծով՝ մինչև 300 կվտ/ժ ներառյալ:

Միջոցառման շահառու են բնական գազի մատակարարման, էլեկտրական էներգիայի մատակարարման, բջջային և ինտերնետ կապի պայմանագիր կնքած Արցախի բնակիչ-բաժանորդները:

Հետևեք մեզ նաև Տելեգրամում