Փրկարարներն արգելափակումից դուրս են բերել 68 ավտոմեքենա
Մարտի 16-ից 17-ը ԱԻՆ ՓԾ ճգնաժամային կառավարման ազգային կենտրոնում 18 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Մասնավորապես՝ Լոռու մարզի Սպիտակ, Կոտայքի մարզի Հրազդան, Ծաղկաձոր, Սյունիքի մարզի Կապան, Սիսիան, Արագածոտնի մարզի Թալին քաղաքներում, Ծաղկաշեն, Ծաղկահովիտ, Շիրակի մարզի Մարմաշեն, Վահրամաբերդ, Հովունի, Գեղարքունիքի մարզի Հացառատ գյուղերում, Լոռու մարզի Վանաձոր-Ալավերդի և Սյունիքի մարզի Կապան-Տաթև ավտոճանապարհներին:
Դեպքի վայր ժամանած փրկարարներն արգելափակումից դուրս են բերել 68 ավտոմեքենա և 25 քաղաքացու ցուցաբերել համապատասխան օգնություն:
Կարծիքներ