ԼՂ-ից բռնի տեղահանվածներին առնչվող պառակտչական գործողությունները առնվազն բարոյական չեն. ՆԳ նախարար
ՆԳ նախարար Արփինե Սարգսյանը մարտի 21-ին ՀՀ ԱԺ պաշտպանության և անվտանգության հարցերի մշտական հանձնաժողովի նիստում, պատասխանելով Վանաձորում ոստիկանների և ԼՂ-ից բռնի տեղահանված անձի վերաբերյալ դեպքին, նաև անդրադարձել է շահարկումներին, թե իբր ԼՂ-ից բռնի տեղահանված անձինք թիրախավորվում են։
Արփինե Սարգսյանի խոսքով՝ անընդհատ այս առնչությամբ էմոցիոնալ դաշտ ստեղծելու փորձերը որևէ մեկին որևէ օգուտ չեն բերում:
«Հակառակը, այդպես ավելի են թիրախավորում մեր հայրենակիցներին, և կարծում եմ, որ ընդհանուր հանրային տիրույթում այս պառակտչական գործողությունները պետք է դադարեցվեն, որովհետև դա առնվազն բարոյական չէ»,- ասել է նախարարը։
Արփինե Սարգսյանը հայտարարել է, որ Հայաստանում որևէ տարբերություն չկա, թե մարդու իրավունքների պաշտպանության կամ իրավունքների խախտման հարցերը առաջացել են ՀՀ քաղաքացիների, թե ԼՂ֊ից բռնի տեղահանված անձանց դեպքում։
Կարծիքներ