Մարիխուանա, կաթուցիչներ, կռփազենք. մետրոպոլիտենի տարբեր կայարաններից երիտասարդներ են բերման ենթարկվել (տեսանյութ)

Հունվարի 26-ին ոստիկանության Երևան քաղաքի վարչության Կարեն Դեմիրճյանի անվան մետրոպոլիտենի պահպանության բաժնում արձանագրվել են ապօրինի թմրաշրջանառության բացահայտման՝ երկու, սառը զենքի հայտնաբերման՝ մեկ դեպք։

Այս մասին տեղեկացնում է ՀՀ ոստիկանությունը:

Բաժնի տարբեր ստորաբաժանումների ծառայողները մետրոյի տարբեր կայարաններում ու կայարանների նախասրահներում իրականացրած ուժեղացված ծառայության ժամանակ, թմրամիջոց պահելու և օգտագործելու կասկածանքով, բաժին բերման են ենթարկել երկու երիտասարդի՝ 28 և 25 տարեկան։

Նրանց անձնական խուզարկություններով հայտնաբերվել է մարիխուանայի նմանվող զանգվածով մի քանի փաթեթ՝ ընդհանուր 4 գրամից ավելի։ 25-ամյա երիտասարդի մոտ նաև կաթուցիչներ են եղել։

Նույն օրը բաժին բերման է ենթարկվել նաև 24-ամյա երիտասարդ, որի անձնական խուզարկությամբ հայտնաբերվել է կռփազենք։

Նշանակվել են փորձաքննություններ։ Հանգամանքները պարզվում են։