ՀՀ էկոնոմիկայի նախարարություն. Անասնաբուծության ոլորտում նախատեսվում է մի քանի կարեւոր նախագիծ իրականացնել
Անասնաբուծության ոլորտում մի քանի կարեւոր նախագիծ է նախատեսվում: Մասնավորապես, կառավարության ջանքերն ուղղված կլինեն անասնագոմերի նկատմամբ ֆերմերների վերաբերմունքի փոփոխությանը: Այս մասին Ազգային ժողովում ֆինանսավարկային եւ բյուջետային հարցերի, ինչպես նաեւ տարածքային կառավարման, տեղական ինքնակառավարման, գյուղատնտեսության եւ բնության պահպանության հարցերի մշտական խորհրդարանական հանձնաժողովների համատեղ նիստին ասաց ՀՀ էկոնոմիկայի նախարար Տիգրան Խաչատրյանը:
Գործադիր մարմինը, նրա խոսքով, ցանկանում է ժամանակակից սարքավորումներով հագեցած ավելի շատ «խելացի անասնաբուծական տնտեսություններ» տեսնել:
«Առաջին այդպիսի ֆերմերային տնտեսություններն արդեն հայտնվել են, եւ մենք վստահ ենք, որ հաջորդ տարի դրանց թիվը զգալիորեն կավելանա: Անասնաբուծության զարգացման համար սարքավորումների լիզինգի ծրագիրը կշարունակվի 2021 թվականին: Այս նախագիծը կտեւի 5-6 տարի` ներգրավված վարկերի տոկոսադրույքների զգալի պետական սուբսիդիաների դեպքում»,- ասաց Խաչատրյանը:
Կարծիքներ