Էմանուել Մակրոնը չի պատրաստվում հրաժարական տալ
Այսօր կենսաթոշակային բարեփոխումների դեմ բողոքող ֆրանսիական արհմիությունների ներկայացուցիչները երկրի հարավում գտնվող Գանժ կոմունայում բողոքի ակցիա են կազմակերպել նախագահ Էմանուել Մակրոնի ժամանումից առաջ:
Նրանք պահանջել են Մակրոնի հրաժարականը։ Նախագահը, սակայն, հայտարարել է, որ չի պատրաստվում հրաժարական տալ։
«Ես դեմոկրատիայի կողմնակից եմ, ուստի մասնակցել եմ ընտրություններին: Բայց հրաժարական չեմ տա: Վստահեցնում եմ, որ դա տեղի չի ունենա: Պետք է սպասել մինչև 2027 թվականը»,- ասել է նախագահը:
Երկրի հարավ կատարած այցի ժամանակ նրան մեղադրել են բավականաչափ ժողովրդավար չլինելու մեջ։ Մակրոնը չի համաձայնել դրա հետ՝ նշելով, որ, ինչպես առաջին նախագահական ժամկետում էր դեմոկրատ, այնպես էլ հիմա է:
Ֆրանսիայի առաջնորդ Էմանուել Մակրոնը աշխատանքային այցով մեկնել է շրջաններ։ Ֆրանսիացիները նախագահին ողջունել են ծայրահեղ անբարյացակամ, իսկ Էլզասի Մուտթերշոլց փոքրիկ գյուղում նույնիսկ ձվով հարվածել են Մակրոնի ճակատին։
Կարծիքներ