Մոտ 97մլն դրամ միայն 2 տարում. ԵՊՀ-ի խորը հետքը՝ Արթուր Ղազինյանի գրպանում
Դեռևս օրեր առաջ ԱԺ-ում Հայաստան դաշինքի պատգամավոր Արթուր Ղազինյանը հարցուպատասխանի ժամանակ վարչապետ Փաշինյանին հարց ուղղելիս շեշտեց, որ իբր ԵՊՀ-ն խորը հետք է թողել վարչապետի մոտ, ինչին ի պատասխան վարչապետը ասաց, որ՝
«ԵՊՀ-ն իմ հոգում մեծ հետք է թողել, բայց գրպանումս ոչ մի հետք չի թողել»։ Այս մասին գրում է ArmeniaNews-ը:
Դրանով վարչապետը ակնարկում էր տարիներ շարունակ ԵՊՀ-ից ուղղակի և անուղղակի սնված Ղազինյանին, ով հասցրել է հսկայական ֆինանսական միջոցներ կուտակել։
Թվում էր, թե ամեն բան սրանով կավարտվեր, եթե մեր ձեռքի տակ չհայտնվեին բացառիկ մանրամասներ այն մասին, թե օրինակ որքան գումար է Ղազինյանը ստացել ԵՊՀ-ից միայն 2017, 2018 թվականներին։
Օրինակ միայն 2017 թվականին Արթուր Ղազինյանը ԵՊՀ-ից ստացել է ավելի քան 36 մլն դրամ։
2018 թվականին Արթուր Ղազինյանը ԵՊՀ-ից ստացել է ավելի քան 41 մլն դրամ։
Իսկ Ղազինյան Արթուրի հայրը՝ Գագիկ Ղազինյանը ԵՊՀ-ից ստացել է ավելի քան 18 մլն դրամ։
Ստացվում է, որ ԵՊՀ-ն Արթուր Ղազինյանի գրպանում իրոք խորը հետք է թողել, միայն 2 տարվա ընթացքում ավելի քան 77 մլն դրամի հետք, իսկ Ղազինյանի հայրը՝ ավելի քան 18 մլն դրամ։
Այսպիսով միայն 2 տարվա ընթացքում ԵՊՀ-ն Ղազինյանների գրպանում թողել է մոտ 97 մլն դրամի հետք։
Կարծիքներ