Հաքերները կոտրել են PlayStation Portal-ը

Փետրվարի կեսերին մի խումբ հաքերներ հայտնել էին, որ կոտրել են PlayStation Portal-ը. նրանց հաջողվել է գործարկել PSP էմուլյատորը և խաղալ GTA: Որոշ ժամանակ անց թիմի անդամներից Էնդի Նգուենը հայտնել է, որ իր անձնակազմն անմիջապես պատմել է Sony-ին խոցելիության մասին։

Հետևաբար, ընկերությունը շտկել է բոլոր սխալները 2.06 համարի տակ գտնվող վերջին թարմացման մեջ: Սակայն մի շարք օգտատերեր քննադատել են հաքերներին դրա համար. նրանց կարծիքով՝ թիմը չպետք է հաղորդեր Sony-ի կոտրման մասին։

Նգուենն իր հերթին նրանց պատասխանել է, որ ծրագրավորողներն ամեն դեպքում կկարողանային հայտնաբերել և շտկել տվյալ խոցելիությունը. հաքերները միայն արագացրել են գործընթացը:

«Չեմ հասկանում, թե ինչու եք նեղվում բացահայտումից: Ի՞նչ եք կարծում, եթե մենք թողարկեինք հակերության գործիքը, ապա Sony-ն այդ ամենը կթողներ առանց ուշադրությա՞ն: Հաղորդել կամ չհայտնել (խոցելիության մասին), ընդամենը մի քանի շաբաթվա հարց է»,- ասել է նա։

PlayStation Portable-ի վաճառքը մեկնարկել է 2023 թվականի նոյեմբերին։