Ռեժիսոր և պրոդյուսեր Փոլ Հագգիսը ձերբակալվել է Իտալիայում

Կանադացի ամերիկացի սցենարիստ, պրոդյուսեր և ռեժիսոր Փոլ Հագգիսը ձերբակալվել է Իտալիայի հարավում՝ բռնաբարության մեղադրանքով։ Ինչպես հայտնում է ՏԱՍՍ֊ը՝ հղում անելով  La Repubblica  թերթին՝ «Վթար» ֆիլմի օսկարակիրը (2004) եղել է Օստունի քաղաքում տեղի փառատոնի ժամանակ:

Ըստ մեղադրանքի՝ նա օտարերկրացի կնոջը ստիպել է սեռական հարաբերությունների, որն այնուհետև հեռացել է՝ ֆիզիկական և հոգեբանական վատ վիճակում։ Կնոջն օգնել են Բրինդիզիի օդանավակայանի աշխատակիցներն ու սահմանապահները։ Տեղի հիվանդանոցներից մեկում նա բուժզննում է անցել որպես բռնության զոհ և մեղադրական ցուցմունք է ներկայացրել ոստիկանություն, ինչի հիման վրա Հագգիսին բերման են ենթարկել։