Հնդկաստանը կարող է ավելացնել Agni-5 բալիստիկ հրթիռի հեռահարությունը 5-ից մինչև 7 հազար կմ

Հնդկական նորագույն «Ագնի-5» բալիստիկ հրթիռի հաջող փորձարկումները, որոնք կարող են կրել տարբեր տեսակի մարտագլխիկներ, այդ թվում՝ միջուկային, ցույց են տվել, որ դրա հեռահարությունը կարող է ավելացվել 5000-ից մինչև 7000 կիլոմետր։ Այդ մասին շաբաթ օրը հաղորդել է The Economic Times-ը ՝ վկայակոչելով երկրի պաշտպանության նախարարության աղբյուրները:

Այս տեղեկատվության համաձայն՝ հրթիռի գլխավոր մշակողը՝ Պաշտպանական հետազոտությունների և զարգացման կազմակերպությունը, կարողացել է նվազեցնել Agni-5-ի քաշը՝ մետաղական բաղադրիչները փոխարինելով կոմպոզիտային նյութերից պատրաստված մասերով։ «Հրթիռային համակարգում ձեռք բերված քաշի կրճատումը գերազանցում է 20%-ը, և եթե կառավարությունը դա ցանկանա, ապա միջուկային հզորությամբ ռազմավարական հրթիռը կարող է թռչել ավելի քան 7000 կմ»,- ասել է աղբյուրը։

Հնդկաստանի միջուկային զենքի ծրագիրը նախատեսված է հիմնականում զսպելու իր հակառակորդներին, այդ թվում՝ Չինաստանին և Պակիստանին: