Yerevan Open 2022. Մամիկոն Ղարիբյանը կիսում է առաջին տեղը 5-րդ տուրից հետո
Երևանում շարունակվում է Yerevan Open 2022 («Երևան Օփեն») շախմատի միջազգային մրցաշարը:
Անկացված հինգ տուրերից հետո Ա խմբի մրցաշարային աղյուսակը գլխավորում են Հայաստանի ներկայացուցիչ Մամիկոն Ղարիբյանն ու Սերգեյ Լոբանովը (Ռուսաստան)՝ 4,5-ական միավորով, գրում է «Արմսպորտը»։
Լավագույն տասնյակում են նաև Հայաստանի ներկայացուցիչներ Տիգրան Քոթանջյանը, Տիգրան Պետրոսյանը, Լևոն Բաբուջյանն ու Հովիկ Հայրապետյանը, ովքեր կես միավոր են զիջում առաջատարներին։
Մրցաշարին, որը բաղկացած կլինի 9 տուրից, կմասնակցեն 15 երկրի 292 շախմատիստ։ «Երևան Օփեն» մրցաշարին մասնակցում է միջազգային կոչում ունեցող 55 շախմատիստ, որոնցից 22-ը միջազգային գրոսմայստերներ են: Մրցանակային ֆոնդը կազմում է 14 միլիոն դրամ:
Կարծիքներ