Վահան Քերոբյանը կմասնակցի Սանկտ Պետերբուրգի միջազգային տնտեսական ֆորումին

Հունիսի 2-5-ը ՀՀ էկոնոմիկայի նախարարի պաշտոնակատար Վահան Քերոբյանը կմասնակցի Սանկտ Պետերբուրգի միջազգային տնտեսական ֆորումին։ Այս տարի ֆորումն անցկացվում է «Նորից միասին. նոր իրողության տնտեսություն» խորագրով:

Ֆորումին կմասնակցեն շուրջ 2000 օտարերկրյա մասնակիցներ, և կանցկացվեն ավելի քան 100 քննարկումներ 4 հիմնական ուղղվածությամբ՝

համաշխարհային տնտեսություն.

զարգացման ազգային ուղղություններ.

սոցիալական օրակարգ և

տեխնոլոգիական մարտահրավերներ։

Քննարկումներ կծավալվեն, մասնավորապես՝ եվրասիական ինտեգրման, համավարակի պայմաններում բիզնեսի արդյունավետության, համաշխարհային առևտրի վերափոխման, էներգիայի համաշխարհային շուկայի, սննդի շուկայի վերականգնման և կայուն ազգային առողջապահական համակարգերի հարցերի շուրջ։

Ֆորումի անցկացման նպատակն է իրականացնել լայնամասշտաբ քննարկումներ համաշխարհային տնտեսության ու առևտրի վերականգնման խնդիրների շուրջ և համատեղ ջանքերով նպաստել այդ խնդիրների կարգավորմանը։