Խոշոր ավտովթար-հրդեհ Վայքի զորամասի մոտ․ բժիշկները պայքարում են այրվածքներ ստացած պարեկի կյանքի համար

Այսօր՝ դեկտեմբերի 17-ին, խոշոր  ավտովթար-հրդեհ է տեղի ունեցել Վայոց ձորի մարզում։ Ժամը 08։30-ի սահմաններում Երևան Մեղրի ավտոճանապարհի Վայք քաղաքի վարչական տարածքում՝ ՀՀ ՊՆ N զորամասի հարևանությամբ, բախվել են Երևանի բնակիչ Գևորգ Գևորգյանի վարած Range Rover և Վայոց ձորի մարզի բնակիչ Գեղամ Հովակիմյանի վարած Mercedes մակնիշի ավտոմեքենաները։

Այս մասին գրում է shamshyan.com-ը:

Բախման հետևանքով Mercedes-ում հրդեհ  է բռնկվել, Range Rover-ն էլ դուրս է եկել երթևեկելի գոտուց, բախվել էլեկտրասյանը։ Հարվածի հետևանքով Mercedes-ում հրդեհ է բռնկվել, իսկ վարորդին քաղաքացիները ու փրկարարները իրենց ուժերով դուրս են բերել ավտոմեքենայից: Վերջինս տեղափոխվել է Վայքի բժշկական կենտրոն:

Վիրավորը տարբեր աստիճանների այրվածքներ է ստացել: Վայքի բժշկական կենտրոնից նրան տեղափոխելու են Երևանի Այրվածքաբանության ազգային կենտրոն։

Հրշեջ փրկարարները մարել են ավտոմեքենայում բռնկված հրդեհը, սակայն այն ամբողջությամբ դարձել է ոչ շահագործելի։

Դեպքի փաստով քննչական վարչությունում նախաձեռնվել է քրեական վարույթ։

Ըստ նախնական տեղեկությունների վթարի պատճառը եղել է ճանապարհի մերկասառույցը: Աղբյուրի տեղեկություններով վիրավոր Գ․ Հովակիմյանը աշխատում է ՀՀ ՆԳՆ ոստիկանության Պարեկային ծառայության Վայոց ձորի ՊԾ վաշտում՝ որպես ավագ պարեկ։